די אפעלאט געריכט האט געזאגט אז זיי באשטעטיגן אן אורטייל פון א נידריגערע געריכט אז די טאריפס וואס ווערן ארויפגעשטעלט דורך טראמפ'ס עקזעקוטיוו ארדערס גייען אריבער מער ווי דער פרעזידענט איז אויטאריזירט צו טאן. די טראמפ אדמיניסטראציע איז ערווארטעט אריינצוגעבן אן אפיעל איבער די אורטייל צום סופרים קאורט.

די ווינדאוס קאמפיוטער סיסטעם איז באקאנט אלס "מייקראסאפט דעפענדער", און דאס איז די ערשטע שטאפל פון פשוט'ע סעקיוריטי קעגן העקערס און אנדערע סייבער געפארן, וואס איז אינסטאלירט אויף יעדע מייקראסאפט קאמפיוטער. יעצט שטעלט זיך ארויס אז העקערס וואס פרובירן זיך אריינצוכאפן אין א קאמפיוטער, קענען רימאוטלי פארלעשן די מייקראסאפט דעפענדער סיסטעם, וואס ערלויבט זיי גרינגערע צוטריט.

די סייבער סעקיוריטי קאמפאני "דריעם" זאגט אז זיי האבן אויפגעדעקט א פארגעשריטענע העקעריי קאמפיין וואס איז געקומען פון איראנער סערווערס, און עס האט דערגרייכט צו די העכסטע דיפלאמאטישע קאמפיוטער סיסטעמען. די איראנער העקערס האבן ארומגעשיקט פאלשע מעסעדזשעס און אימעילס צו דיפלאמאטן אינעם מיטל מזרח ראיאן וואס זענען פארמישט אין די עזה געשפרעכן, און עס האט געברענגט אן איבערהאק אין סענסיטיווע קאמיוניקאציע.

גרעניץ אגענטן זאגן אז זיי האבן געכאפט און ארעסטירט כמעט זיבן אהאלב טויזנט אימיגראנטן ביים גרעניץ וואס האבן זיך פרובירט אריינצוכאפן קיין אמעריקע, וואס איז א 57 פראצענט שפרונג פון די פיר אהאלב טויזנט אין דזשוליי. אבער טראץ די הויכע שפרונג אין די ציפער, איז דאס נאכאלץ דראסטיש נידריגער ווי די צענדליגער טויזנטער וואס פלעגן אריינקומען יעדן חודש אונטער ביידען.

די שיפן נעמען אריין דריי פארגעשריטענע גיידעד מיסיל דעסטרויער שיפן און איין סובמארין וואס ווערט געטריבן אויף נוקלעארע קראפט. עס איז טייל פון א נייע קאמפיין דורך פרעזידענט טראמפ צו באקעמפן די דראג האנדלעריי דורכ'ן ווענעזועלער פרעזידענט ניקאלעס מאדורא, אויף וועמען אמעריקע האט ארויפגעשטעלט א 50 מיליאן דאלער באלוין.

די רעדע איז פון מוכאמעד אבדעלאזיז אבו זוביידא, וועלכער האט אפערירט אין די בורידזש געגנט אין עזה, און ער האט געהאט די העכסטע פאזיציע פון די אייסיס טעראר גרופע אינערהאלב די פאלעסטינער טעריטאריע און אין די סיני ראיאן. די עלימינירונג פון אזא הויכראנגיקן אייסיס טעראר פיגור איז באגריסט געווארן דורך אמעריקע און אנדערע מערב וועלט אליאירטע אינעם מיטל מזרח ראיאן, אין א צייט וואס די טעראר גרופע איז ווייטער אן אקטיווע געפאר.

די רעדע איז פון די קאור אינפלעישאן אינדעקס, וואס רעכנט אריין אלע סארט פראדוקטן און סערוויסעס, אויסער ברענשטאף און עסנווארג, וואס די סארט אינפלעישאן איז געוואקסן מיט 2.9 פראצענט אין דזשוליי, די העכסטע אין פינף חדשים. די ציל פון די פעדעראלע רעזערוו איז אראפצוברענגען אינפלעישאן צו בלויז צוויי פראצענט, אבער טראץ די העכערונג אין אינפלעישאן ערווארט מען אז די פעדעראלע רעזערוו וועט שניידן די ראטעס ביי זייער סעפטעמבער זיצונג.

דאוג פארד, דער מעיאר פון אנטעריא, האט געזאגט אז די אינצידענט איז קלאר געווען אן אנטיסעמיטישע האס פארברעכן און אז דאס האט נישט קיין שום פלאץ אין קאנאדע. מען האט געהערט אויך פארדאמונג פון קאנאדע'ס פרעמיער מיניסטער מארק קארני, און דער פירער פון די קאנסערוואטיווע אפאזיציע פארטיי פיער פאליוואר האט אפעלירט צום פרעמיער מיניסטער צו נעמען שטרענגערע שריט קעגן אנטיסעמיטיזם.