אידישע נייעס

וואס גייט פאר? אן איבערזיכט אויף דער גלאבאלער אידישער ארענע; באשפרינקלט מיט די לעצטע סענזאציעס און היימישע פאסירונגען.

אידישע נייעס: אין עטליכע טעג ארום עפענט זיך ערלי וואטינג פאר די פרעזידענטליכע פריימעריי אין ניו יארק סטעיט

ב' ויקרא פ״ד

באאמטע ביי די אדריאנדעק בערג ראיאן אין אפסטעיט ניו יארק האבן ארויס געשטעלט ווארענונגן פאר מענטשען וועלכע פלאנען אהין צו קומען מיטהאלטן די ליקוי חמה מען זאל וויסן אז די בערג קענען זיין געפארפול פאר מענטשען וועלכע קענען זיך נישט אויס • מדינת ישראל'ס אפאזיציע פירער יאיר לפיד איז ווידעראמאל ארויס געקומען מיט א רוף אריין צו שלעפן אלע חרדישע אידן אין די מיליטער היל"ת • דורכאויס ארבייט אויף אן אלטע היסטארישע שטח נעבן די כנרת אין ארץ ישראל האבן ארכילאגן געפונען א קאפלעקס פון אינטערערדישע באהעלטענישן וועלכע זענען גענוצט געווארן דורך אידן דורכאויס אויפשטאנדן אקעגן די רומישע הערשאפט ארום 2 טויזט יאר צוריק

2:42

אידישע נייעס: א לאוסוט איז געווארן אריין געגעבן אקעגן די קאנאדישע רעגירונג איבער א געזעץ אוועק געשטעלט וואס טוט באגרעניצן שחיטה

א' ויקרא פ״ד

די העכסטע געריכט אין מדינת ישראל האט נאכגעגעבן א פארלאנג פון די רעגירונג צו באקומען נאך דריי טעג צו קענען אויסארבייטן איר רעאקציע צו פעטיציעס וועלכע פארלאנגן אז די רעגירונג זאל אנפאנגן אריין שלעפן חרדישע אידן אין די מיליטער • דייטשלאנד'ס צענטראלע באנק האט קאנפראנטירט איר נאצי פארגאנגענהייט מיט א נייע באריכט וואס קוקט אריין אין די היסטאריע דערפון און פארשפרעכט עס קיינמאל נישט צו טאלערירן אין די צוקונפט • א אידישע טיטשער וועלכע האט זיך באקלאגט איבער אנטיסעמיטישע פארפאלגונגן ביי א פובליק סקול אין די שיפסהעד געגענט אין ברוקלין איז געווארן אריבער געטרענספערט צו א צווייטע שולע

2:32

אידישע נייעס: גאר התרגשות'דיגע מעמד וואכנאכט אין ישיבת היכל התורה אין שכונת הר נוף אין ירושלים, פאר'ן בכור וואס איז געבוירן געווארן צום ראש ישיבה שליט"א וועלכער איז 88 יאר אלט

מוצ״ש פקודי פ״ד

די אידישע געמיינדע אין מאנטרעאל האט באגריסט, דאס וואס א ריכטער האט פארלענגערט די ספעציעלע סטאטוס אז דערווייל זענען אומלעגאל סיי וועלכע פראטעסטן פארנט פון א צאל אידישע געביידעס אין דער שטאט • הונדערטער איינוואוינער אין אלעד זענען ארויסגעקומען פרייטאג נאכמיטאגס ביי קבלת שבת, און האבן דארטן מוחה געווען מיט א שטארקע מחאה קעגן חילול שבת, און האבן פארלאנגט מען זאל נעמען שריט דערוועגן • די איינציגסטע שוהל אין די שטאט אין ענגלאנד וואס איז געווען די ערשטע פלאץ אינעם מיטל-אלטער וואו א בלוט בלבול האט פאסירט, איז וואנדאליזירט געווארן מיט אנטיסעמיטישע גראפיטי

2:41

אידישע נייעס: חיזבאלא פירער חאסאן נאסראלא האט אין א גרעסערע רעדע אפגעשפעט פון די קאמף וואס מדינת ישראל פירער פירן אן אריין צו שלעפן חרדישע אידן

ו' פקודי פ״ד

דעלטע עירליינס פלאנט צוריק צו שטעלן טעגליכע פלי ריזיעס צווישן קענעדי לופטפעלד און לוד לופטפעלד קומענדיגע יוני 7 למס', דאס קומט אויס פרייטאג במדבר עטליכע טעג בעפאר שבועות • שטייענדיג די ערשטע ערב שבת נאכ'ן רוקן דעם זייגער איז געווארן ארויס געשטעלט א דערמאנונג פאר מענטשען זיכער צו מאכן אז די שבת זייגערס, טערמעסטאטס און אנדערע אפאראטן זענען אנגעשטעלט לויט די נייע זייגער • א קאמיטע אינערהאלב די ניו דזשורסי סטעיט סעאנט האט באשטעטיגט א ביל וואס גייט העכערן די מינימום מעדיקעיד ריאימבורסמענט ראטע פאר יעדע 'בי-על-עס' אמערדזשענסי אמבולאנס טראנספארט, א פלאן וואס וועט זיין בייהילפיג פאר חברה הצלה

2:00

אידישע נייעס: אידן איבער די וועלט זענען מרבה בתפלה פאר כ"ק אדמו"ר מביאלע שליט"א וועלכע איז געווארן אפגעפירט אין שפיטאל און איז זקוק לרחמי שמים

ה' פקודי פ״ד

צוויי פרא-פאלעסטינער אקטיוויסטן פון אוסטראליע זענען געווארן אנגעקלאגט אויף קלאגעס פון קידנעפינג און איבערפאל, אין פארבינדונג מיט דעם וואס זיי האבן פארכאפט אן ארבייטער פון א איד אין מעלבאורן • א אידישע צענטער אין לאס אנדזשעלעס האט זיך געטראפן אין צענטער פון א שטורעם נאכ'ן פארדעקן אלע שילדן פון די משכונות אין עזה וויבאלד די צענטער האט ארויס געליעסט איר שטח פאר א מוסלומענער גרופע וועלכע האט עס געדארפט פאר ראמאדאן • די הואזינג מארקעט אין ארץ ישראל האט געזען א שטארקע העכערונג אין חודש יאנואר למס' • אין אנדערע נייעס איז ערשינען ציפערן וועלכע ווייזן אז די לעצטע פאר יאר איז געווען א שטארקע העכערונג אין די צאל מענשטען אין ארץ ישראל וועלכע באזיצן דריי אדער מער אפארטמענטס

2:04

אידישע נייעס: א גרעסערע קאמפיין איז געווארן אינטערגענומען אין ארץ ישראל צו ווארענען עלטערן איבער די געפאר פון פייערקרעקערס ארום די טעג פון פורים

ד' פקודי פ״ד

אן אפעלאט געריכט אין איטאליע האט זיך אנטזאגט פון אויסליפערן א פארדעכטיגטע טעראריסט קיין מדינת ישראל, זאגענדיג, אז עס הערשט א ריזיקע אז יענער וועט שלעכט באהאנדעלט ווערן • א פובליק סקול דיסטריקט אין ניו יארק איז אינטער פעדעראלע אויספארשונג אויף דיסקרימינאציע אין פארבינדונג מיט א פאל אין וואס א גרופע שפילער פון די שולע האבן געשריגן אנטיסעמיטישע ווערטער אין ריכטונג פון קעגנערישע שפילער פון אן אנגלא-אידישע שולע • סאודי אראביע האט אויסגעדרוקט באדויער אויף די אינצידעניט וואס האט פאסירט מיט א אידישע אקטיוויסט וועם מען האט געבעטן אראפ צו נעמען דעם קאפל פון קאפ אין צייט וואס ער האט זיך געפונען אויף א באזיך מיט אן אמעריקאנער דעלעגאציע •

1:58

אידישע נייעס: א גרופע חרדישע אידן האבן אריין געגעבן א לאוסוט אקעגן דזשעט-בלו נאכ'ן ווערן אראפ געשיקט פריער אין יאר פון א דזשעט-בלו פליגער פאר'ן פראבירן צו טוישן זיצן

ג' פקודי פ״ד

אן אמעריקאנער רעגירונג דעלעגאציע באאויפטראגט צו האלטן אן אויג אויף רעליגיעזע פרייהייט איבער די וועלט, האט איבערגעריסן א באזיך אין סאודי אראביע, נאכדעם וואס לאקאלא באאמטע האבן פארלאנגט פון א איד אראפ צו נעמען זיין קאפל • נאנט צו 2 טויזנט לאקאלא מוסלומענער אין ניידזשעריע זענען געקומען מיטהאלטן א בר מצוה פון א קינד ביי א לאקלאא חב"ד רב • ניו דזשורסי אטוירני דזשענרעל מעט פלעטקין האט געמאלדן אז נייע פראיעקט צו באקעמפן די אויפשטייג פון האס פארברעכענס

1:53

אידישע נייעס: מדינת ישראל'ס אפאזיציע פירער יאיר לפיד האט פארגעזעצט מיט זיין דרוק אריין צו שלעפן חרדישע אידן אין די מיליטער היל"ת

ב' פקודי פ״ד

אין די אלגעמיינע גאס קומען פאר העפטיגע צוגרייטונגן צו די ליקוי חמה אין ארום א חודש ארום, וואס גייט אויסקומען מאנטאג ערב ר"ח ניסן • די פאליציי אין האועל-ניו דזשורסי פארשט אויס צוויי פעלער מיט מענטשען וועלכע האבן געטראפן פארברעכער זיך דרייען אין זייערע הייזער אין די פריע פארטאגס שטונדן • היינט איז געווארן אפגעצייכענט גענוי 4 יאר פון ווען די וויירוס קריזיס איז דערקלערט געווארל אלץ גלאבאלע עפעדעמיע, נאכדעם וואס מען האט געהאט באשטעטיגט 118 טויזנט קעיסעס אויסגעשפרייט איבער 114 לענדער

2:30

אידישע נייעס: א פארשוין איז געווארן אנגעקלאגט מיט א האס פארברעכן קלאגע, נאכדעם וואס ער ווערט באשולדיגט אין וואנדאליזירן א שוהל אין ארעגאן

מוצ״ש ויקהל פ״ד

אליוו אויל איז פארוואנדלט געווארן אלס דער פראדוקט וואס ווערט די מערסטע גע'גנב'עט פון געשעפטן לענגאויס שפאניע, וואו די פראדוקציע פון די סארט אויל איז געווארן עקסטרעם טייער • פארלאפענעם ערב שבת האט א פייער געברענט אין א באוואוינטע געביידע אין בני ברק, אבער בחסדי ה' זענען נישט געווען קיין געשעדיגטע • א פארשוין אין על קאדזשון, קאליפארניע האט זיך דערקלערט אומשולדיג אויף קלאגעס פון אומברענגען דעם אידישן דענטיסט פאריגע וואך, אין א שיסעריי וואס האט אויך געשעדיגט צוויי אנדערע איינגעשטעלטע אינעם אפיס

2:08

אידישע נייעס: דער הויפט פון די מדינת ישראל מיליטער האט געלאזט פאלן ווערטער אז מען דארף זען אריין צו נעמען אלע סארטן גרופעס אין די מיליטער

ו' ויקהל פ״ד

די ניו יארק סיטי פאליציי דיפארטמענט אין בארא פארק זעצט פאר מיט א מיסיע אראפ צו נעמען פארלאזטע קארס פון די גאסן • ראקלענד קאונטי הצלה האט ארויס געשטעלט פלענטס פאר נייע הצלה הויפטקווארטיר וואס גייט געבויט ווערן אויף ראוט 2020 אין די פאמאנא געגענט • א אידישע אקטיוויסט האט געלאזט אין גאנג א מיליאן-דאלאר פארמעסט אויפצוקומען מיט די נייעסטע און בעסטע טעכנאלאגישע געדאנקן צו באקעמפן אנטיסעמיטיזעם • פייער דיפארטמענטס האבן ארויס געשטעלט דערמאנונגן צו טוישן די באטאריס פון סמאוק דיטעקטערס און קארבאן מאנאקסייד דיטעקטערס דעם מוצאי שבת ווען מען רוקט די זייגער

2:11
Share good
heint email good
פאפולערע קאטעגאריעס

אינטערוויוס

פארשידענס

געזונטהייט

אנאליזן

ביזנעס

נגינה