ביז יעצט האט די רעגירונג געזאגט אז זיי האבן נישט די נויטיגע פאנדס צו געבן פאר אלע 42 מיליאן געניסער די גאנצע געלט וואס זיי באקומען א געווענליכע חודש, צוליב די אנגייענדיגע שאטדאון. אבער די אגריקולטור דעפארטמענט האט געמאלדן יעצט אז זיי וועלן זיך צושטעלן צו א געריכט ארדער און וועלן יא פארטיילן די גאנצע נאוועמבער געלט, און ס׳וועט אריינקומען אין יעדנס אקאונט אין די קומענדיגע טעג.

לויט די אַנקעטע זאָגן 46 פּראָצענט אָרטיגע בירגער אַז צוליב מאמדאני'ס רעקאָרד פון אַנטי-מדינת ישראל סטעיטמענטס און פּאַליסי פּלענער, האָבן זיי ערנסט מורא צו קומען באַזוכן אין די סיטי פון יעצט און ווייטער. דאָס קומט א טאָג נאָכדעם וואָס דער אידישער ניו יאָרק סיטי פייער קאָמישאָנער ראַבערט טאָקער האָט רעזיגנירט פון זיין אַמט צוליב זאָרג וועגן מאמדאני'ס פּאַליסיס איבער מדינת ישראל.

די רעדוקציע פאריגע חודש איז געווען די 7'ט חודש אין א רייע וואס עקספארטן קיין אמעריקא פאלן מיט דאפעלטע ציפערן, א זאך וואס טשיינע ארבייט צו ערזעצן מיט עקספארטן צו אנדערע לענדער. עקאנאמיסטן ערווארטן אז עס וועט עווענטועל צוריק ארויף גיין, א דאנק די אפמאך וואס איז געווארן אויסגעהאמערט צווישן פרעזידענט טראמפ מיט פרעזידענט דזשינפינג ביים זיצונג פאריגע וואך אין דרום קארעא.

א גרופע ים רויבער האבן געשטורעמט א שף וואס האט געפירט גאזאלין פון אינדיע קיין סאוט אפריקא, פירענדיג צו דעם אז אלע 24 מאטראזן זאלן זיך אויסבאהאלטן אין א פארמאכטע צימער. נישט לאנג נאך די אטאקע איז אנגעקומען א שפאנישע נעווי שיף אינטער א אי-יו מיסיע, פירענדיג צו דעם אז די ים רויבער זאלן אנטלויפן. די נעווי קרעפטן זענען דערנאך ארויף אויפ'ן שיף און ארויס גענומען די מאטראזן פון די צימער צו קענען ווייטער פירן די שיף.

די רעזאלוציע אראפ צו נעמען די סאנקציעס איז געווארן אויפגעברעגט דורך אמעריקא, און האט באקומען שטיצע פון כמעט אלע 15 זיכערהייט קאנסול לענדער, אויסער פון טשיינע וועלכע האט זיך צוריק געהאלטן פון שטימען איין וועג אדער די אנדערע. טשיינע'ס באשלוס עס נישט צו שטיצן איז צוליב זארג פון די 'איסט טורקעסטאן איסלאמיק מאוומענט', א וויגער מיליטאנטישע גרופע אקטיוו אין סיריע. טשיינע פארמאגט אין איר לאנד א מינאריטעט וויגער מוסלומענער געמיינדע, וועלכע שטייען אויס ערענסטע פארפאלגונגן דורך די רעגירונג זיי צו שטערן פון זיך הייבן די קעפ.

די ריקאָל באַטרעפט 406,000 קאַרס, און עס אַפעקטירט אַלע האָנדאַ סיוויק מאדעלס פון די יאָרן 2016 ביז 2021, לויט א נאָטיץ פון די פעדעראַלע נאַציאָנאַלע הייוועי טראַפיק סעיפטי אַדמיניסטראַציע. די קאָמפּאַני זאָגט אַז א געוויסע טייל פון די שרויפן וואָס האַלטן אָן די רעדער קען ווערן לויז, און דאָס קען ברענגען די רעדער אַראָפּצופאַלן אינמיטן פאָרן, ברענגענדיג א העכערע ריזיקע פון עקסידענטס ל"ע.

העגסעט זאָגט אַז דריי פּאַרשוינען האָבן זיך געפונען אויפן שיף און זיי זענען אַלע עלימינירט געוואָרן אַלס פאַרדעכטיגטע דראָג שמוגלעריי טעראָריסטן. לויט'ן חשבון איז דאָס שוין געווען די זיבעצנטע געצילטע באָמבאַרדירונג וואָס די טראָמפּ אַדמיניסטראַציע פירט דורך קעגן די דראָג שמוגלעריי שיפן אין די קאַריביען ים, געצילט אָפּצושטעלן ווענעזועלער דראָג אַפּעראַציעס.

שמועות האָבן זיך געדרייט אַז לעווראָוו גייט פאַרלירן זיין הויכע פּאָזיציע, נאָכדעם וואָס עס איז דורכגעפאַלן דער פּלאַן פאַר א סאָמיט צווישן פּוטין און דער אַמעריקאַנער פּרעזידענט דאָנאַלד טראָמפּ אין בודאַפּעסט. לעווראָוו איז געווען אָפּוועזנד פון א וויכטיגע קרעמלין זיצונג די וואָך, פירנדיג צו שפּעקולאַציעס אַז ער איז אַרויסגעוואָרפן געוואָרן, אָבער די קרעמלין זאָגט אַז דאָס איז ליגנט.

די מעמא איז מיטגעטיילט געוואָרן צווישן מיטגלידער פון די דעמאָקראַטישע סאָושעליסט גרופּע, און עס צייגט אַז די גרופּע גרייט זיך צו לייגן שטאַרקע פּרעשור אויפן ניו יאָרק סיטי מעיאָר-עלעקט מאמדאני צו אינפאָרסירן זיינע פּאַליסי פאַרשפּרעכונגען פונעם קאַמפּיין. צווישן אַנדערן וויל די גרופּע אַז מאמדאני זאָל זיך האַלטן צו די פאַרשפּרעכונג אַז ניו יאָרק סיטי וועט נעמען שריט קעגן מדינת ישראל צו בלאָקירן די מדינת ישראל רעגירונג פון ניו יאָרק פּאָליטיש און עקאָנאָמיש.

די אדמיניסטראציע זאגט אינ'ם פיילינג, אז א דאנק די רעגירונג פארשליסונג איז נאר דא גענוג געלט צו דעקן ארום האלב פון די פראגראם. די פארלאנג קומט א טאג נאכדעם וואס א פעדעראלע ריכטער האט פארארדענט די אדמיניסטראציע צו דעקן 100 פראצענט פון די פראגראם, און צו זען אז סטעיטס זאלן שוין היינט פרייטאג באקומען די געלט.