ארכיוו: הרב אליהו שמואל העפטלער, דוקלא רב אין די איסט סייד

א לעבעדיגע עידות פון קריסטאל נאכט אלס 6 יעריג קינד, די קעסטלעך אש פון דאכו, די בזיון ת"ח, און איבער די ביטערע צרות און פיין וואס ער איז אריבער ביים צווייטן וועלט קריג

ליל תשעה באב לייוו פראגראם, ביים אפטיילונג "פארשידנס" אויפן הויפט בלאט

אידיש24 שטעלט צו היינט נאכט און מארגן זונטאג א ספעציעלע תשעה באב לייוו פראגראם, ווי מען וועט קענען הערן פארשידענע דרשות, שמועסן און אינטערוויוס איבער מיטמאכענישן און שוועריגקייטן ביי כלל ישראל.

די פראגראם הייבט זיך אן היינט מוצאי שבת אום 11 אזייגער ביינאכט, ווען מען וועט הערן אן אינטערוויו מיט הישיש הרב אליהו שמואל העפטלער, דוקלא רב אין די איסט סייד, מיט א לעבעדיגע עידות פון קריסטאל נאכט אלס 6 יעריג קינד, די קעסטלעך אש פון דאכו, די בזיון ת"ח, און איבער די ביטערע צרות און פיין וואס ער איז אריבער ביים צווייטן וועלט קריג.

אום 12 אזייגער ביינאכט וועט מען הערן א רירענדער תשעה באב שמועס מיטן היסטאריקער און בארימטער שריפטשטעלער הרב חנה פריעדמאן, איבער זעלטן שוידערליכע סצענעס און אומבאקאנטע עפיזאדן וואס האבן זיך אפגעשפילט אין לויף פון די גרויזאמע צווייטע וועלט מלחמה, באגלייט מיט ערשטהאנטיגע לעצטע עדות פון קריג איבערלעבער.

אום 2 ביינאכט, וועט מען הערן א שמועס דורך מיטן בעל מחנך ופה מפיק מרגליות הרב שאול קליין, איבער דראמאטישע שילדערונגען פון די צווייטע וועלט קריג, און די שרעקליכער מארד מאשין וואס די דייטשן האבן אפערירט.

די לייוו פראגראמען, וועט מען קענען מיטהאלטן ביי די "פארשידענס" אפטיילונג דא אויפן הויפט בלאט, אין ווי נאר א דרשה וועט זיך ענדיגן, וועט מען עס תיקף קענען הערן ביי די "ארכיוון אפטיילונג", אויך ביי די תשעה באב לייוו קנעפל. די אינהאלט פון די מארגנדיגע פראגראם וועט געמאלדן ווערן תשעה באב צופרי.