א 7-יעריג קינד וועלכע איז קריטיש פארוואונדעט געוארן פון אן איראנער מיסל אטאקע אויף די שטאט ערד, איז ב"ה געווארן ארויס געלאזט פון שפיטאל. דאס מיידל איז שווער באטראפן געווארן פון אן איראנער מיסל אטאקע ארום א חודש צוריק, אן אטאקע וואס האט פארוואונדעט ארום 100 מענטעשן • א מדינת ישראל דזשורנאליסט אין ארץ ישראל שטייט אויס א כוואליע קריטיק פאר'ן אפשפעטן פון צוויי בחורים וועלכע האבן געהאט די זכיה ארום צו גיין נאך געלט פאר הכנסת כלה • א הויעך שולע אין ענגלאנד קומט אינטער קריטיק פאר'ן אפרופן א געפלאנטע באזיך דורך א אידישע געזעצגעבער צוליב א באקלאגעניש דורך איינע פון די עלטערן

די ספרינג וואלי פאליציי דיפארטמענט איז ארויס געקומען מיט א רוף פאר דרייווער צו פארן פארזיכטיג און לאנגזאם, אין ליכט פון א פארמערטע צאל עקסידענטן אין די געגענט • מערערע אידישע גרופעס האבן זיך פאראייניגט אין א רוף צו קאנגרעס פאראויס צו גיין מיט א ביל וואס וועט צושטעלן מער הילף פאר אידן המצפים לישועה • מדינת ישראל'ס אגריקולטשור מיניסטעריום איז ארויס מיט א באריכט וואס באשולדיגט ריטעיל נעצן אויף רעכענען איבערגעטריבענע פרייזן פאר אימפארטירטע טרויבן

די פאליציי ארבייט צו קומען אויף די שפירן פון א געוואגטע רויבעריי ביי די וואודבערי קאמאן מאלל נעבן קרית יואל. א גרופע פון 4 פארבעכער זענען אריין אין די גוטשי אוטלעט געשעפט, וואו זיי האבן אויסגעשאסן א דיספלעי קעיס, און זענען אנטלאפן מיט טייערע טאשקעס אין די ווערד פון ארום 30 טויזנט דאלאר • דזשעקסאן טאונשיפ נעבן לעיקוואוד האט זיך פאראייניגט מיט 'סיקס פלעגס גרעיט עדווענטשור' צו פארטיילן פרייע טיקעטס פאר איינוואוינער וועלכע נעמען אנטייל אין א פראיעקט אויפצורייניגן דעם געגענט • נאנט צו 200 ביזנעס פראפעסיאנאלן האבן אנטייל נעמען אין די ביזנעס און נעטווארקינג פרישטאג צוגעשטעלט פארלאפענע זינטאג דורך די 'בארא פארק דזשעי-סי-סי'

פון לעיקוואוד איז היינט אריין געקומען די גוטע נייעס, איבער א פארבעסערונג אין די צושטאנד ביי הבחור זעליג בן בלומא, וועלכע איז ערענסט פארוואונדעט געווארן אין אן עקסידענט פאריגע וואך וואס האט ליידער געקאסט דאס לעבן פון א צווייטע בחור • מצלי אש דקרית יואל האט פארעפענטליכט ציפערן פון די לעצטע חודש צייט, וועלכע טוען אינטערשטרייכן ווי ווייט די שטאט האט זיך פארברייטערט די לעצטערע יארן • א פראַנצויזישע אַפּיעלס געריכט האָט געאורטיילט אַז א בעיביסיטער וועלכע האָט פּרובירט צו פאַר'סמ'ען א אידישע פאַמיליע פאַר וועמען זי האָט געאַרבעט, איז נישט געווען מאָטיווירט דורך אַנטיסעמיטיזם • דער אידישער אייגענטומער פון א געשעפט אין וועסטשעסטער קאַונטי ניו יאָרק זאָגט אַז ער איז געוואָרן געטשעפּעט פאָרנט פון זיין געשעפט דורך א גרופּע וואָס האָט געשריגן לאָזונגען און אים געהייסן איבערזאָג • א ברוקלין פּאַרשוין איז פאַראורטיילט געוואָרן צו 3 ביז 9 יאָר טורמע פאַר א סעריע ווילדע איבערפאַלן וואו ער האָט געצילט אידן און ווייסע מענטשן אין מאַנהעטן • אויטאריטעטן האבן צונומען א קראסינג אינזל וואס איז געוורן אוועק געשטעלט אין די לעיקוואוד געגענט אן ערלויבעניש פון די טאונשיפ

אן אויספרעג אויף לאנג איילענד איינוואוינער ווייזט אז מער ווי איינס פון יעדע 4 האלטן נישט אז די האלאקאוסט זאל זיין עפעס וואס מען לערענט מיט קינדער אין שולע • פילע אלגעמיינע איינוואוינער אין וועסטשעסטער זענען ארויס געקומען איינקויפן אין ארויס ווייזן שטיצע פאר די אייגענטומער פון א אידישע רעסטוראנט וועלכע איז אויסגעשטאנען רדיפות פון א גרופע פרא-פאלעסטינער פראטעסטירער • פיסגייער אין וויליאסמבורג האבן אויפגענומען מיט צופרידענהייט א נייע פיסגייער אינזל וואס איז געווארן אוועק געשטעלט אין צענטערן פון אן אינטערסעקשאן ביי לי עוועניו און וואלעבאוט סטריט •

א פרישע שאצונג פארעפענטליכט לויטעט אז עס זענען פארהאן ארום 15.8 מיליאן אידן אויף די וועלט, אין פארגלייך צו ארום 16.6 מיליאן אידן געשאצט הארט בעפאר די צווייטע וועלט קריג • א נייע געזעץ איז אריין אין קראפט אראפ צו נעמען אן אמעריקאנער דעדליין ביז ווען מענטשען קענען אריין געבן לאוסוטס פאר מאלערייען גערויבט דורכאויס די צווייטע וועלט קריג • די איינציגסטע שול אין צפון מעסעדאניע איז אטאקירט געווארן אין אן אינצידענט וואס ווערט באצייכענט אלץ די לאנד'ס ערשטע אנטיסעמיטישע אטאקע זייט די צווייטע וועלט קריג • די אי-יו פארליאמענט פרעזידענט האט ארויס געשטעלט א רוף פאר פירער איבער אייראפע צו נעמען שריט אקעגן אנטיסעמיטיזעם, באצייכענענדיג אנטיסעמיטיזעם אין אייראפע אלץ א גיפט וואס טאר נישט איגנארירט ווערן

תושבי מאנסי גרייטן זיך צו די עפענונג אין די קומענדיגע חדשים פון א הערליכע נייע תקנות חתונה זאל אוועק געשטעלט ביי די וויזניצע מיידל שולע בנינים אויף קרעסט קאורט, הארט נעבן די תפארת עלקע זאל • די פאליציי דיפארטמענט אין די סאפערן געגענט נעבן מאנסי האט דורכגעפירט אינטערזיכונגן ביי צענדליגער לאקאלא ביזנעסער זיכער צו מאכן אז זייערע 'עי-טי-עם' און קרעדיט קארד מאשינען פארמאגן נישט קיין סקימינג אפאראטן אויף זיך • די פאליציי אין דזשעקסאן-ניו דזשורסי האט געמאלדן א פרישע רונדע טראפיק אינפארסרונג וואס וועט אנהאלטן פאר די קומענדיגע פאר חדשים • תושבי לעיקוואוד האבן באגריסט די אויפנאמע פון ר' מרדכי טווערסקי צו די 'נעשינאל אמערדזשענסי מעדיקל סערוויסעס אדווייזארי קאנסול', דאס איז א פעדעראלע קערפערשאפט וואס געט ארויס רעקאמאנדאציעס פאר די פעדעראלע טראנספארטאציע דיפארטמענט צו העלפן פארמירן נאציאנאלא 'אי-עם-עס' פאליסי

טויזנטער מענטשען זענען געקומען מיטהאלטן א קאנטראלירטע אויפרייס איינצואווארפן די ברייט באקאנט לוקסוריעזע מאנדערין אריענטל האטעל אין מאיאמי. די 23-שטאקיגע קאמפלעקס האט סערווירט מענטשען פאר לאנגע יארן אויף 'בריקעל קי', דאס איז א מענטשליך-געמאכטע אינזל ביים מויל פון די מאיאמי טייך • לאקאלא באאמטע אין די נייעק געגענט נעבן מאנסי האבן ארויס געשטעלט א רוף צו איינוואוינער אז מען זאל זיין געדולדיג מיט א גרעסערע פראיעקט וואס קומט פאר איבערצומאכן די נייעק מעמאריעל פארק • לאקאלא פאליטיקאנטן און עסקנים אין די מאנסי געגענט האבן ארויס געשטעלט טרייסט וואונטשען פאר די משפחה פון די געוועזענע דעמאקראטישע קאנגרעסמאן עליאט ענגל וועלכע איז אוועק אין עלטער פון 79 יאר

פרעזידענט טראמפ האט אהערגעשטעלט א זעלטענע אויפנאמע אינעם אוועל אפיס פאר א גרופע עסקנים און פירער פון עטליכע גרויסע קהילות אין אמעריקע, לכבוד יום טוב פסח • א אידישע נאנפראפיט ארגאניזאציע האט אראנדזשירט מער ווי דריי טויזנט בריוון וואס מענטשן האבן געשיקט צום ניו יארק סיטי מעיאר מאמדאני וועגן א נייע געזעץ וואס צילט צו באשיצן בתי מדרשים און אידישע סקולס • א ספעציעלע זיצונג איז פארגעקומען אין די פרעזידענטליכע בונקער פונעם אוקריינישן פרעזידענט וולאדימיר זעלענסקי אין קיעוו, אינאיינעם מיט פירנדע רבנים פון גאנץ אוקריינע

א 39 יעריגער פארשוין איז ארעסטירט געווארן אויף פארדאכט פון רויבעריי, נאכדעם וואס ער האט זיך איינגעבראכן אין די בנות ציון דבאבוב מיידל סקול אין צפון לאנדאן • דריי בחורים זענען געווארן געשטראנדעט איבערנאכט אויף א גאר שפיזיגע און הויכע פעלזנבארג אין נחל דרגא אין ארץ ישראל, נאכ'ן זיך פארבלאנדזשענען און נישט קענען ווייטער גיין • ארכעאלאגן אין ארץ ישראל האבן געטראפן א זעלטענע אלטע בלייענע קויל וואס ווערט געשאצט צו זיין 2,100 יאר אלט, נעבן די גליל ים, און עס האט אויפגעקריצט אויף זיך די ווארט "לערן" • א ניו יארק געריכט האט פארארדענט אז א גאר היסטארישע מאלעריי פון אמעדיא מאדיגליאני דארף צוריקגעגעבן ווערן פאר די יורשים פונעם אידישן מאלעריי האנדלער אסקאר סטעטינער •