די פעדעראלע פאוסטעל סערוויס האט ארויסגעשטעלט איר נייע חנוכה פאסט סטעמפ צום 9'טו יאר אין א ציה, און עס איז ארויסגעשטעלט געווארן ביי א צערעמאניע אינעם טורא שוהל אין ניו ארליענס • אן אומפארטייאישע אמעריקאנער קאמיסיע אויף סיוויל רייטס זאגט אז קאלעדזשעס מוזן טאן מער קעגן די וואקסנדע געפאר פון אנטיסעמיטיזם • אנטיסעמיטישע אינצידענטן אין בריטישע יוניווערסיטיס זענען געוואקסן מיט אכציג פראצענט זייט אקטאבער 7 אין פארגלייך צו בעפאר דעם • דער לויער וואס רעפרעזענטירט געוועזענע קאנאדישע זעלנער וואס קלאגן אין געריכט איבער די קאנאדישע מיליטער'ס קאוויד וואקסין מאנדאט, זאגט אז די אנטיסעמיטישע יום כיפור שיסעריי דורך שאן ווארד טאר נישט באאיינפלוסן זייער קעיס

די בני ברית קאנאדע גרופע האט ארויסגעגעבן א רוף צו שטעלן באוואפנטע זיכערהייט וועכטער ביי אידישע אינסטיטוציעס איבער'ן לאנד, אין שאטן פון די יום כיפור שיסעריי פארנט פון די בני יעקב טעמפל אין אנטעריא • די אמעריקאנער אידישע דזשוינט דיסטריביושאן קאמיטע שטעלט צו עמורדזשענסי הילף אין נעפאל נאך די שרעקליכע פארפלייצונגען דארט וואס האבן געקאסט מער ווי 1,300 פאטאליטעטן מיט עטליכע וואכן צוריק • דער ברעסלאווער חסיד ר' יונתן קארלינסקי פון ביתר-עילית באקומט הילף פון חב"ד רבנים אין אוקריינע נאכ'ן ווערן אריינגעצווינגען אין דינסט פאר די אוקריינישע מיליטער • דער פארשוין ברענדאן טעילאר מאור פון סאסקאטון, קאנאדע האט באקומען פרישע אכצן מאנאטן טורמע נאכדעם וואס ער האט זיך דערקלערט שולדיג אין אנרייצן האס קעגן אידן אין פובליק

ארכעאלאגן האבן אויפגעדעקט א גאר גוט פרעזערווירטע מקוה קאמפלעקס פון די צייטן פונעם צווייטן בית המקדש נישט ווייט פונעם הר הבית אין ירושלים • אן אנטיסעמיטיזם עקספערט איז ארויסגעקומען מיט א שארפע ווארענונג אז אויסטראליע'ס אידישע געמיינדע באטראכט מער און מער צו פארלאזן דאס לאנד אינמיטן וואוקס פון אנטיסעמיטיזם • דער 31 יעריגער עריק אוורוטאוו איז באפרייט געווארן אונטער אויפזיכט נאכדעם וואס ער האט אטאקירט א 66 יעריגער איד אין ברוקלין, צעברעכנדיג יענעמס גענאק און אים פארוואונדן אויף א שווערע פארנע • א 33 יעריגער פערזאן פון קיטשענער, אנטעריא איז ארעסטירט געווארן נאכדעם וואס ער האט געלופטערט לעבעדיג אויפן אינטערנעט פארשידענע אנטיסעמיטישע קאמענטארן און טויט סטראשונקעס

אידישע נייעס און קרישקעלעך - יושע ווייס

די גרעסערע איבערפאלן האבן זיך שוין אפגעשטעלט אין די לעצטערע טעג, און לויט קוועלער קומט דאס צוליב חודש תשרי און צוליב וואס די מיליטער דארף באמת דערווייל נישט נאך זעלנער. אבער איינציגע ארעסטן זענען ווייטער אנגעגאנגען און זייט תשרי האט זיך אנגעהויבן זענען מער ווי צוויי הונדערט לומדי תורה ארעסטירט געווארן פאר'ן זיך ארויסדרייען פון מיליטער, און דאס מערסטע פון זיי ארעסטירט ביי לופטפעלדער • די פעדעראלע רעגירונג'ס איקוואל עמפלוימענט אפארטוניטי קאמיסיע האט אריינגעגעבן א קלאגע קעגן די מערסי-העלט צענטער אין אהייא, מיט א באשולדיגונג אז זיי האבן אומבארעכטיגט ארויסגעווארפן א אידישן דאקטער • בריטישע פאליציי האבן באקומען נאך א וואך צייט צו קענען האלטן אונטער ארעסט צוויי פארשוינען וועלכע ווערן באשולדיגט אין פלאנירן אן אטאקע אויף די אידישע געמיינדע אין מאנטשעסטער • עמורדזשענסי סערוויסעס זענען אלארמירט געווארן צו די ליבעראלע טעמפל אין שערוואוד, ענגלאנד, נאכדעם וואס א פארדעכטיגטע שטויב איז באמערקט געווארן אין די הויף

אידישע נייעס און קרישקעלעך - יושע ווייס

די זעלטענע און איינגענארטיגע קאלירן פון כלל ישראל שיינט היינט ווידעראמאל ארויס, ווען פון איין זייט הערשט א שמחה אויסגעגאסן אויף די פנים'ער זיך גרייטענדיג צום געהויבענעם און לעכטיגן יו"ט סוכות, און פון די אנדערע זייט איז מען באזארגט וויאזוי עס וועט זיך אויסקאכן די מעגליכע שטורעם די קומענדיגע טעג אין די ניו יארקער ראיאן, אז עס זאל נישט שטערן אידן פון קענען מקיים זיין דעם לישב • די קאאליציע וואס קעמפט צו פרעזערווירן מאימאנעדיס שפיטאל האט אריין געגעבן א פעטיציע אין די ניו יארק סטעיט סופרים קארט אפצושטעלן די פלאן וואס ליגט אויפ'ן טיש אריין צו שמעלצן די שפיטאל אין די סיטי פובליק האספיטאל סיסטעם • די פארט אויטאריטי האט באשטעטיגט 110 מיליאן דאלאר פאר פראיעקטן וועלכע גייען צולייגן 8 נייע געיטס און מער פאסאנדזשיר פלאץ ביי טערמינאל עי פונ'ם ניוארק לופטפעלד

אידישע נייעס און קרישקעלעך - יושע ווייס

א פעדעראלע ריכטער אין אקלאהאמא האט אויסגעפלאסטערט דעם וועג פאר א אידישע ארגאנאזאציע אוועק צו שטעלן די לאנד'ס ערשטע שטייערבאצאלטע רעליגיעזע טשארטער סקול, א קעיס וואס מען רישט זיך אז עס קען עווענטועל גרייכן דעם סופרים קארט • באאמטע אין ניו יארק האבן פארעפענטליכט אינפארמאציע ארום 5 פראגן אויף וואס ניו יארק סיטי וויילער וועלן שטימען ביי די קומענדיגע וואלן, אויף די זעלבע בעלאט וואו זיי גייען שטימען פאר קאנדידאטן • די פארנומענע סייקיעטריק אפטיילונג ביים בעלוויו שפיטאל פאר ערוואקסענע מענטשען, גייט דורכגיין א גרעסערע רענאוואציע פראיעקט, וואס גייט אריין נעמען דאס צולייגן 40 פרישע בעטן •

שטייענדיג אין איינס פון די שענסטע צייטן אין יאר, ווען די אידישע גאסן ווירבלן מיט פיבערהאפטיגע הכנות צום גרויסן יו"ט סוכות הבעלל"ט, האט די שטאט בארא פארק אויפגענומען סטעיט קאמפטראלער טאם דינאפאלי מיטצוהאלטן די שיינקייט פון די געיאגטע טעג אריין צום יו"ט • א באקאנטע האלאקאוסט לייקענער איז פאראורטיילט געווארן דורך א פאריזער געריכט צו 8 חדשים טורמע, פאר'ן ארויס שטעלן פאלטשע ווערטער אז די נאצי גאז קאמערן האבן נישט עקזיסטירט און פאר'ן נוצן ווילדע ווערטער אקעגן אידן • די פאליציי אין ארץ ישראל האט ארעסטירט א דרייווער וועלכע איז געפארן אויף אן עקסטרעמע שנעלקייט פון 217 קילאמעטער א שעה, אדער 135 מייל א שעה • מאימאנעדיס שפיטאל איז געווארן אויסגעלויבט אין די אלגעמיינע לאקאלא פרעסע, פאר א סיסטעם אין די 'ניקיו' אפטיילונג, צו העלפן משפחות זיין מער אינפארמירט איבער זייערע קינדער